انا متجوزة بقالي ١٠ شهور وطالبة الطلاق

انا متجوزة بقالي ١٠ شهور وطالبة الطلاق قبل ماحكي بس رساله بوجهها للشباب بالله عليكم لو كنتم بتحبو وانفصلتو عن اللي بتحبوها لاي سبب اوعو اوعو تتجوزو وقلبكم لسه متعلق بيها لان هتبهدلو معاكم وحدة ملهاش ذنب ف اي حاجه ودا اللي حصل معايا انا اتجوزت صاحب جوز اختي الانتيم هو اللي جبهولي كانو زملا ف صيدله فلما اتقدم اهلي كلهم فرحو بيه وانا افتكرت ان من كان سنه اختي وجوزها كانو قالو انه كان بيحب وحده زميلته واتقدملها بس ابوها رفضه لانه لوا ف الجيش ومبسوطين ماديا وهو علي اد حالهم والبنت دي اتجوزت ظابط جيش برده وبعدها هو سافر شوية الامارات وشويه السعوديه وماشاء الله ربنا كرمه من وسع فكلمت اختي وسالتها قالتي الموضوع دا من زمان وخلاص نسيها ولاني كنت معجبه بيه من زمان من ايام مكنت بشوفه عند اختي وافقت وكنت مبسوطه بيه واتخطبنا قعد معايا اسبوع وسافر وكلامنا كله كان ع النت وقاللي انه بيحبني ومبسوط معايا وقضينا خطوبه سنه وبعت توكيل لباباه عشان نكتب الكتاب لان اجازته شهر يادوب نعمل الفرح فيه ويرجع يسافر بس حصل ظروف واجازته اتاجلت ف الاهل اقترحو اني اعمل حنه وخلاص واسافرله ودا اللي حصل فعلا بس قبل ما اسافرله باسبوع البنت اللي كان بيحبها اتطلقت ورجعت كلمته بس طبعا كان كل حاجه خلصت وورق السفر حتي التذكرة وسافرتله وهو بدل ما يستقبل مراته حبيبته اول ما وصلنا الشقه اعترفلي بكل حاجه ومن الصدمه معرفتش انطق ولا اقول حاجه ولما فوقت قولتله طب جبتني ليه ماكنت تسيبني قبل ما اسافر قاللي كل حاجه كانت بسرعه وافتكرت ان اهلي حرفيا عليهم ديون وجمعيات بحوالي ٣٠٠ الف جنيه جهازي اللي جابوه عشان يليق بسيادة الدكتور اڼفجرت فيه وزعقت جامد وقعدت افكر ف اللي هيحصل لاهلي وخفت احنا من بلد صغيرة والناس تعرف بعضها وهتطلع عليا كلام لاني اتطلقت بعد اسبوع لما هديت وفكرت طلبت منه يستني كام شهر عشان كلام الناس ودورت ع شغل ع كفاله جوزي ومقيمه الحمد لله لقيت شغل بسرعه بمرتب كويس فكلمت اختي قولتلها سيبي الجهاز ف الكراتين عشان لقيت شغل ومش همنزل مصر دلوقتي ومش عرفت اهلي حاجه عشان مش يخلوني انزل قبل ما اسدد اللي علينا فكنت بسيب حاجه بسيطة وببعت الباقي لاهلي يسددو الاقساط ومن وقتها ع كدا كل واحد ف حاله انا ف الاوضه وهو بينام ف الصاله واد ايه كنت بټعذب وقلبي بيتقطع لما بسمعه بيكلمها هو صحيح كان بيوطي صوته اوي عشان مسمعش بس كنت بسمع وف مرة الدوام بتاعي اتغير ورجعت من الشغل بدري ودخلت الاوضه ولما رجع ميعرفش اني موجودة كان بيزعق معاها وپيتخانق جامد واللي فهمته من الكلام انها متضايقه اني قاعده معاه وخاېفه ليضعف معايا وعايزاه يشوفلي سكن بنات اقعد فيه لحد ما يطلقني بس هو رفض وزعقلها وقالها دي مراتي وع زمتي واحنا ف غربه مش هسيبها لوحدها فانا خفت اوي هو صحيح المرة دي رفض بس ممكن تقدر تقنعه وعرفت انها بتزن عليه يطلقني عشان يتجوزوا فقالها هنزل اسبوع اخطبك ولما اطلق نتجوز بس والدها رفض وقال لما يطلق يبقي يتقدملك وطبعا فضلت تزن عليه يطلقني عشان ابوها يوافق فكنت خاېفه ېغدر بيا ف اي وقت وانا لسه مخلصتش ديون اهلي فحكيت لصاحبه الشغل ع مشكلتي فقالتلي اعملي نقل كفاله علي الشركة عشان لو اتطلقتي ف اي وقت تعرفي تفضلي موجودة ف شغلك وقتها انا اللي طلبت الطلاق وقولتله خلاص ملهاش لازمة افضل ع زمتك بس ربنا جابلي حقي منه ولما كلمها يعرفها قالتله ان طليقها طلب الرجوع وابوها موافق ومصمم وقعدو فترة يحاول مع باباها وبرده رفضه وف الاخر سمعت كلام باباها ورجعت لطليقها وفضل بتاع شهر متنكد فسبته ف حاله ولما راق فتحته ف موضوع الطلاق تاني بس رفض وقاللي حقك عليا ندمان والجو دا فوقتها اضطريت اكلم اختي وجوزها واعرفهم كل حاجه وطبعا جوز اختي بهدله زعيق وبنت الناس اللي استامنتك عليها فنزل مصر اعتذزلهم واعتذر لاهلي واتحقلهم وطبعا لانهم بعيد عن الموضوع ومش حاسين پالنار اللي جوايا فقالولي سامحيه واستحاله اسامحه ومصممة ع الطلاق وان كل الناس تعرف اني لسه بنت عشان لما ربنا يعوضني بعد كدا بالله عليكم احكمو بالحق ومحدش يقوللي سامحيه انا عايزة حل يخليه يطلقني لانه رافض بس من غير محاكم ولا مشاكل وادعولي لاني تعبانه اوي ومحتاجه دعائكم

حشو الأسنان

سيدة كانت تتابع مسلسل ” يوسف الصديق

Articles similaires

الأرملة والحياة

Son père l’a mariée de force (traduit par un auteur anonyme)

Reconnaissez-vous ce futur petit génie de la comédie, âgé de seulement 11 ans ? Une photo rare de 1973 intrigue les fans qui tentent de deviner de qui il s’agit !

بعد 15 عامًا.. شاهد مصطفى زماني وأبطال مسلسل يوسف الصديق.. كيف تغيرت ملامحهم بعد تقدمهم في العمر