لطيفة نظمي
لطيفة ماكملتش تعليم بسبب … لكنها قدرت انها تعلم نفسها بقراءة المجلات القديمة اللي كانت مكتوبة باللغة الانجليزية … لحد ما قدرت تتعلم الانجليزي باتقان
لطيفة كانت بتحلم انها تكون فنانة مشهورة لكن ده مكنش هيحصل طول ما هي في قريتها بدمياط…
فعشان كده سافرت للقاهرة من وهي صغيرة وعاشت مع خالها الفقير اللي كان عنده عشر أطفال… ولما عاشت معاهم حست بالمعاناة اللي عايشين فيها زي ما كانت عايشة مع ابوها في فقر…
فهنا فقررت انها تساعد مرات خالها في تربية العيال وكمان عشان تعمل بلقمتها…
لطيفة كانت بتحب تقرا المجلات وفي يوم لقيت إعلان للفنان عزيز عيد بيبحث عن فنانات يشـ,,ـتغلوا معاه في مسرحية جديدة ليه…
عشان يكون من هنا الظهور الابرز للطيفة في عالم الفن… اشتغلت مع الفنان يوسف وهبي في مسرحيات وافلام كتير… واجرها بدأ يعلى اكتر… واشترت شقة خاصة بيها في عمارة بقلب القاهرة… وقسمت اجرها على تلاته… نص لخالها والنص التاني لابوها وامها في دمياط… والنص التالت ليها…