حفار المقابر

بيخرج من الحما.م ويدخل عليها الغر.فة علشان يلاقيها مش بتنطق ، اسمهان ما.تت ، فما كان منه انه فضل يصرخ في الشارع ويجي الجيران والدكاتره وبعد فحص اسمهان يلاقوها مي.ته مو.ته طبيعية بردو

بكري من بعدها كان في حالة لا يحسد عليها ، زوجاته الاتنين ماتوا وده خلاه ٣ سنين لا بيكلم حد ولا بيختلط بالناس ، من الشغل للبيت ومن البيت للشغل وكان مقرر انه مش هيتزوج تاني

لكن يرجع صحابه يزنوا عليه علشان يخرجوه من الحالة الي هو فيها ويقنعوه ان ده قضاء ربنا ولازم يتجوز ويعيش حياته

بكري كان فاكر ان شغله في المقا.بر هو السبب او ليه علاقة بالموضوع لكن الكل اكدله ان الموضوع مالوش علاقة وكله قضاء وقدر ، و أقنعوه انه يتقدم لبنت خالته